Vandag oor 3 weke land ek in SA!!! Sjoe, ja my tydjie hierso in die Noorde raak nou min! Ek sien uit om terug te kom en almal weer te sien en al die nuus op te vang, maar vandag het ek so op die treinrit net uitgestaar na Swede se mooi groen landskap en mooi woude en rooi houthuisies en besef die land het diep in my hart geklim en ek gaan die mense en die land baie mis. Ek het Saterdag en Sondagaand ook in Ingrid se Sweedse huis gesit en ons het brood en kaas geeet (soos al die Swede doen) en Sweedse en Engelse liedjies gesing en daar het ek ook besef, ek het goeie vriende hierso gemaak en rerig goeie mense hierso ontmoet. Maar tog mis ek my land en my mense, so eeeeeen v.d dae sien ek julle almal weer!!!
Dis ook nou lekker lente in Swede en darem warmer hierso in Falun wat ek bly. Ek het ander dag gaan foto's neem sodat ek kan wys hierso is darem nie net sneeu nie! In hierdie foto is ek in die woud tussen my klas en koshuis. Die ander foto's is by die meer net buite my koshuis waar ek gereeld bietjie gaan stap.

Ek was gister en vandag in Stockholm ook! Het by een van ons dosente gaan oorbly en kuier, en watter interressante tyd was dit nie. Die vrou en haar man is Jode en haar man 'n baie bekende Rabbi in Swede (hy was die hoof van die Sinagoge in Stockholm) en hul kom eintlik oorspronklik vanaf Amerika maar bly al amper 40jaar in Swede. Hul het ook al baie gereis en was ook al in Ethiopie en SA waar ek was, so ons kon lekker daaroor gesels.

Toe ek in hul huis instap het ek wel bietjie gevoel soos Heidi wat stad toe gaan, as jy by die vensters uitkyk sien jy net stad....

Gister was ook die Polar musiek toekennings (In Swede is dit net so groot soos die Nobel prys toekenning wat elke jaar ook in Swede is.) Polar was die company wat ABBA (yip, hul ok van Swede)promote het. Toe het ek en Ingrid daar buite gaan staan en toe sien ons die Koning en Koningin en Prinses van Swede, 2meter voor ons. Daar was baie ander bekende mense ook, maar SA meisie soos ek ken nie rerig die Sweedse bekendes nie.

Maar eers moet ek van my tyd in Noorwee vertel!! Dis rerig een van die mooiste plekke wat ek nog gesien het. Orals is berge en riviere en woude!! Was rerig ongelooflik pragtige scenery!!! Ek wou net die heeltyd foto's neem!! Ons was 4 Suid-Afrikaners wat saammet Ingrid en een van haar kore gegaan het. Die aand het afgeskop in Roros, net oor die grens tussen Noorwee en Swede, redelik in die Noorde van Noorwee. Dis 'n ou myndorpie, met baie ou houthuisies, van die huisies by die 400jaar oud. Noorwee se huise is tradisioneel van hout met grasdakke.

Die volgende dag is ons nog meer Noorde toe en het pragtige landskappe gesien.

Ons was ook meer na die kus van Noorwee, na die derde grootste stad, Trondheim, wat bekend staan as die Viking stad en dit was voor Oslo die Hoofstad gewees. Ons was soontoe vir Noorwee se Nasionale dag op die 17de Mei! En watter dag en ervaring was dit nie!!! Al die winkels in al die dorpe is toe. En omtrent elke huis op plase en in die dorp en al die winkels en selfs die taxis en busse het landsvlae op! En omtrent almal trek hul tradisionele drag aan!! En dan is daar baie orkeste en klubs en groepe wat in 'n optog deur die dorpe en stede stap, en almal is daarso!!! Die land is ongelooflik patrioties!! Ek het dit baie geniet, en soms in die middel van die optog beland! Die aand het ons toe Ingrid se koor gaan ondersteun wat ook daar opgetree het. En daarna die strate ingevaar en die dorp verder verken. Dit raak ook deesdae laat donker, hierso was ons ver in die Noorde en die laaste foto van die stad en die see is by 11uur se kant die aand geneem.

Die volgende dag het ons ook rondgestap. Ons was ook na Nidaros Cathedral, wat die grootste en bekendste Katedraal in Skandinawie is!

En toe vat ons die pad deur die berge terug na Swede.Ingrid het toe vir ons gewys hoe lyk die eerste lenteblommetjies in die berge! In Swede het ons in die provinsie Jamtland oorgebly in 'n pragtige plattelandse village met die mooiste ou houtkerkie! Ons het ook die volgende dag deur die woud gaan stap na 'n waterval! Daarna is ons na 'n Houtfabriek. Die plek is bekend vir hul pragtige houtlampe. En toe is ons vir middagete na 'n hotel by 'n ski-oord heelbo in die berge. Lekker bederf en lekker geeet! Ons het natuurlik nog bietjie sneeu gesien, veral op die grens tussen Swede en Noorwee waar die berge ongelooflik hoog is.
Daarna is ons terug Mora en Skattungbyn toe waar ons by Ingrid se huis oorgeslaap het. Die onderste foto is by Orsa Meer naby Mora.
Nou moet ek weer hard werk aan my finale opstel wat tenminste 20bladsye lank moet wees!! Ons sal maar hard moet werk die volgende paar dae want volgende week vlieg ek en Abe vir 5dae Duitsland toe!!! Ek sien baie uit na die trippie ook! Ons gaan vir Yvonne gaan kuier wat ook laasjaar 'n uitruilstudent was in Stellenbosch.
En dan moet ek natuurlik pak en huistoe vlieg!!! Sien soooooooooo baie uit om almal weer te sien!

Hi, ek is deesdae op facebook ook en het meer foto's van Swede en Engeland daarop gesit... as enigeiemand dalk na my profile wil gaan kyk....

Jinne die tyd vlieg verby, dis amper 'n maand vandat ek laas tyd gekry het om iets te skryf!!! Dit gaan baie goed maar ook baie besig!!!
Ek was vir 5 dae in Engeland!!! Het vir Beate gaan kuier en haar op haar verjaarsdag gesien!! Die travel was wel bietjie senutergend met al die treine wat ek moes verwissel tot op die lughawe en om die regte trein te vind op die lughawe na Bea se huis! Maar al's het goed afgeloop! Die eerste aand was ek alleen in Bea-hul se huis (hul was nog op vakansie) en goed uitgeslaap na al die travel. Die oggend is ek vroeg op om die tourist ding te doen!!!! Ek het Stamford platgestap van hoek toe kant en elke

gaatjie besigtig en op kamera vasgele! Stamford het van die mooiste en oudste "Stone town" geboue!!! Ek wou elke deur, en venster en dak en skoorsteen en muur op kamera afneem, want dit was net soooooo pragtig! Ek het ook by Stamford museum 'n draai gemaak. Toe ek terug by huis kom het Bea arriveer en het ek en die Birthday girl leka gekuier en al die nuus opgevang!!! Die middag is ons toe Peterborough toe en daar rondgeloop en ook na St Peter Katedraal toe, dis defnitief die grootste katedraal wat ek nog gesien het!!! Daarna is ons na die Burghley landgoed, en lekka rondgeloop en was ook na Burghley House (lyk soos kasteel)! Ek kon nie glo hoe groen dit was nie!!! Wat my dadelik van Engeland opgevang het was die kanale met water en baie mooi GROEN lande!! Die weer was ook natuurlik warmer as Swede s'n, en ek het ook baie bloeisels gesien, wat my net opgewonde gemaak het oor die Lente wat oppad is!
Dit was heerlik om in 'n Afrikaanse ouerhuis te kuier!! Al is dit in Brittanje! Bea se pa het ons natuurlik 2 keer bederf met lekker braaivleis!!!
Ons was ook London toe!!! Ons het die show Stomp (Combination of percussion, movement and visual comedy)gaan kyk en saammet Bea se suster London platgestap, ek het London Eye gesien, Big Ben, Parlement building, Westminister Abbey, Twin Tower Bridge, Buckingham Palace, Greenwich Park en Tydlyn, Trafalquar Square en natuurlik 'n paar keer kennis gemaak met die Underground! Ek en Bea baie trein en tubes gery, en ek was darem op 'n rooi London bus ook! Ek het ook meer Afrikaans gehoor as in Swede! Ek was skaars 20 minute in London, toe loop ek 'n ou vriendin vanaf Stellenbosch af raak, Rolyn, wat nou in Engeland skool hou, ek kon dit nie glo nie!!
Ons het ook een aand by Bea se sus oorgeslaap in Red Hill en sy't ons met haar mini-cooper op 'n toer gevat deur van die dorpies naby haar en ook na Box Hill geneem. Dit was ongelooflike mooi scenery met die paadjies deur woude. Ek het ook 'n hele klompie perde gesien! Ek het die tyd in Engeland baie geniet, dit was net te vinnig verby en die Saterdag het Bea weer teruggevlieg SA toe en ek Swede toe!
In Swede het ons Sondag toe 'n regte Sweedse Paasete gehad! Hierso het hul 'n Paasboom wat hul versier met vere en eiers! Die hele dorp se strate en elke huis is vol van die Paasbome! Ons was 'n klomp studente in die koshuis van verskillende nasionaliteite wat saamgeeet het, en ons moes elkeen 'n dis bring en dit was lekker om Italianse en Poolse en Sweedse kos ens te eet!
Die Maandag vroeg bel een van my klasvriende my dat ek moet opkom na haar want ons moet begin met ons groepsprojek vir ons studie! En toe is ek op die ou einde 'n volle week weg na Ingrid toe!
Ons 3de module gaan oor hoe menseregte in die praktyk toegepas word, en ons moet 'n veldstudie onderneem oor 'n NGO of gemeenskap wat met een of ander menseregte saak te doen het. Myne gaan oor refugee children in Orsa gemeenskap ('n dorpie in die middel van Swede). Ek het al onderhoude gehad met 4 families (ouers en kinders) en met onderwysers en gemeenskapslede en die immigrationsverket (kantoor wat immigrasie hanteer). Van die stories wat ons gehoor het is rerig verskriklik!!! Ek het die een aand ook by een van die families uit Somalie gekuier, met 6 kinders. Wat vir my weereens uitgestaan het is dat SPEL (speletjies) enige taalgrense oorskry en dat dit kinders ewe skielik baie vinnig laat ontspan en mense vertrou. 'n Groot probleem met immigrasie is dat die kinders nie engels of sweeds kan praat nie! Baie van die kinders kom ook uit oorlog uit en is erg getraumatiseer. Ek gaan vanmiddag weer Orsa toe vir 2 dae om nog met 'n klompie mense te praat, en dan moet my navorsing studie maandag in wees, so dis harde werk wat wag die volgende paar dae!
Tussen die veldstudie het ek darem rondom Orsa en Mora ook bietjie gaan ski in die berge, ons het 2keer gegaan! Die boonste berge het darem nog sneeu op. Ek het ook gestap na 'n rivier en 'n canyon, wat vrek hoog was, toe ek oor die brug stap het ek gou besef ek het nog effens hoogtevrees! Ek het ook die een aand "The Queen" gaan fliek! So ek kan darem se ek was al in 'n cinema in Swede!
Verder gaan ek in Mei maand vir 4 dae Noorwee toe!!! Sien baie uit daarna!
My tydjie hierso raak ook nou alhoe minder!!! Oor minder as 2 maande is ek terug in SA!